Loading [MathJax]/jax/output/HTML-CSS/jax.js
Skip to Content

Punktur A á tiltekinni línu skiptir línunni í tvær hálflínur. Tveir punktar tilheyra sömu hálflínu ef þeir liggja sömum megin við punktinn A. Punkturinn A tilheyrir báðum hálflínunum og kallast upphafspunktur þeirra. Hálflínurnar tvær eru sagðar vera gagnstæðar og hvor þeirra er mótlæg hinni.

Dæmi:   Á myndinni skiptir punkturinn A línu í tvær gagnstæðar hálflínur með upphafspunkt A. Önnur hálflínan er blá en mótlæg hálflína þeirrar bláu er rauð.

Látum A og B vera tvo ólíka punkta. Punkturinn A skiptir línunni í gegnum A og B í tvær hálflínur. Þá hálflínu sem B liggur á má tákna með AB.

Sömu hálflínuna má tákna með þessum hætti á marga vegu. Ef C er punktur á hálflínunni AB, annar en upphafspunkturinn, þá eru AC og AB sama hálflínan.