Skip to Content

Látum $f: \mathbb{R} \to \mathbb{R}$ vera fall. Sagt er að $f$ sé lotubundið ef til er rauntala $p \gt 0$ þannig að fyrir öll $x \in \mathbb{R}$ gildi: \[ f(x + p) = f(x). \] Talan $p$ kallast þá lota fallsins. Skilyrðið að ofan er jafngilt því að fyrir allar heilar tölur $m$ og öll $x \in \mathbb{R}$ gildi: \[ f(x + m p) = f(x). \] Nóg er að þekkja forskrift lotubundins falls á hálfopnu bili af lengd $p$, þ.e. bili af gerðinni $[x, x + p[$ eða $]x, x + p]$ fyrir eitthvert $x \in \mathbb{R}$, til að geta sagt til um forskrift fallsins á öllu $\mathbb{R}$.

Dæmi:  

  • Hornaföllin $\cos: \mathbb{R} \to \mathbb{R}$ og $\sin: \mathbb{R} \to \mathbb{R}$ eru bæði lotubundin með lotu $2 \pi$.