Látum $A$ vera rauntalnamengi. Rauntalan $L$ kallast undirtala mengisins $A$ ef fyrir öll $x \in A$ gildir að $x \geq L$. Ef $A$ hefur a.m.k. eina undirtölu er sagt að það sé takmarkað að neðan.
Dæmi: Látum $A$ vera rauntalnamengi með endanlega mörg stök. Þá hefur $A$ minnsta stak $M$ og allar rauntölur sem eru minni en eða jafnar því, t.d. $M$, $M - 1$ og $M - \pi$, eru undirtölur þess. Því er $A$ takmarkað að neðan.
Dæmi: Mengið $\mathbb{N}$ er takmarkað að neðan því t.d. er $-1$ undirtala þess. Hins vegar er ekkert mengjanna $\mathbb{Z}$, $\mathbb{Q}$ og $\mathbb{R}$ takmarkað að neðan því ekkert þeirra hefur undirtölu.
Dæmi: Fyrir sérhver $a$ og $b$ úr $\mathbb{R}$ með $a \lt b$ eru bilin $[a, b]$, $[a, b[$, $]a, b]$, $]a, b[$, $[a, \infty[$ og $]a, \infty[$ öll takmörkuð að neðan því t.d. hafa þau undirtöluna $a$.