Sagt er að vörpun $f: X \to Y$ sé gagntæk ef hún er bæði eintæk og átæk. Venn-myndin að neðan sýnir gagntæka vörpun $f: X \to Y$ því hún er bæði eintæk, þ.e. varpar ólíkum stökum úr $X$ í ólík stök úr $Y$, og átæk, þ.e. sérhvert stak úr $Y$ er gildi vörpunarinnar $f$.
Dæmi: Vörpunin $f: \mathbb{R} \to \mathbb{R}$; $f(x) = 2 x$ er gagntæk því hún er bæði eintæk og átæk.
Dæmi: Vörpunin $g: [0, \infty[ \to \mathbb{R}$; $g(x) = \sqrt{x}$ er ekki gagntæk því hún er ekki átæk.
Dæmi: Vörpunin $h: \mathbb{R} \to [0, \infty[$; $h(x) = x^2$ er ekki gagntæk því hún er ekki eintæk.